catálogo en actualización
Neste momento contén 172 bens
Buscador xeográfico
Buscador avanzado
Descubre os elementos máis destacados do noso patrimonio dentro de cada categoría.
- • Petróglifos
- • Castros
- • Xacementos romanos
- • Xacementos medievais
- • Igrexas
- • Mosteiros
- • Castelos, fortalezas e torres
- • Pazos
- • Pontes
- • Patrimonio industrial
- • Edificios civís e outros edificios
- • O patrimonio etnográfico
- • Megalítico
- • Os conxuntos históricos
- • Arquivos e patrimonio documental
- • Museos e patrimonio moble
Visita
-
Castro de Baroña
A península coñecida como Punta do Castro, na entrada sur da ría de Muros e Noia, acolle nos seus 22,6 quilómetros cadrados un pequeno xacemento castrexo marcado pola súa peculiar orografía marítima e as vistas panorámicas sobre Fisterra e Corrubedo.
-
Castro de Castromao
O antigo asentamento de Coeliobriga, na actual parroquia de Castromao do municipio de Celanova, habitouse durante uns oito séculos entre o VI a.C. e o II d.C. Foi capital dos coelerni, como revelou a táboa de hospitalidade entre este pobo e o prefecto da primeira cohorte dos celtíberos, datada no 132 d.C.
-
Castro de Fazouro
O castro de Fazouro sitúase no leste da praia de Arealonga, nunha pequena península que penetra no mar sobre unha zona acantilada. Cunha superficie de 700 metros cadrados, é o único asentamento castrexo da costa cantábrica galega escavado e que se conserva musealizado.
-
Castro de San Cibrao de Las
O castro de San Cibrao (ou San Cibrán) de Las sitúase sobre os afloramentos graníticos da ribeira do río Miño, nun enclave estratéxico cunha ampla visión do territorio. Delimitado por murallas e foxos que lle confiren unha gran monumentalidade, conforma un dos poboados castrexos máis grandes e coñecidos de Galiza, representativo dun momento tardío na cultura castrexa e fortemente influenciado pola romanización.
-
Castro de Santa Tegra
O asentamento castrexo de Santa Tegra compón un xacemento arqueolóxico cunha extensión de 700 metros en dirección norte-sur por 300 metros en sentido oeste-leste. Rodeado por unha muralla que o delimita máis do que o protexe, o conxunto recolle vivendas, almacéns e fornos que exemplifican as características esenciais dos asentamentos galaicos durante os primeiros tempos da ocupación romana da Gallaecia. Recibiu o nome de "citania" pola influencia e semellanza cos grandes castros do norte de Portugal.
-
Castro e Museo de Viladonga
Pola súa monumentalidade, diversidade de estructuras construtivas e pola relevancia cualitativa e cuantitativa dos achados nel descubertos, o castro de Viladonga, un dos xacementos arqueolóxicos máis importantes de Galiza, conforma xunto co seu Museo un conxunto clave para coñecer, estudar e comprender a evolución da cultura castrexa no noroeste en época romana. Constitúe, ao mesmo tempo, un espazo ao redor do que se desenvolve un importante labor cultural, educativo, turístico, social e comunitario.